लालीगुरांश (सिर्जना भण्डारी)
प्रेम हाम्रो स्वरुप हो
प्रेम हाम्रो प्रकृति हो
प्रेमबाटनै सारा ब्रम्हाण्ड बन्यो
प्रेमबाटनै हाम्रो अस्तित्व बन्यो
प्रेमबाटनै हाम्रो संयोग बन्यो
प्रेमबाटनै स्मृतिको मिठास बन्यो ।
प्रेमनै सर्वशक्तिमान, सर्वव्यापक छ
यही प्रेम परमात्मा हो
यही प्रेम आत्मा हो
अर्को कुनै शक्ति छैन
प्रेमनै पूजा, भक्ति हो
प्रेमनै उसको उपासना हो ।
हामी यही प्रेम दिरहेकाछौं
हामी यही प्रेम लिरहेकाछौं
यही प्रेममै हामी रमेकाछौं
यही प्रेममै हामी जिएकाछौं
प्रेमको दियो तिमीभित्र बलिरहेछ
यही ज्योतिमा म झिलमिलाइरहेछु !
प्रेमको दियो तिमीभित्र बलिरहेछ
यही ज्योतिमा म झिलमिलाइरहेछु !!
No comments:
Post a Comment