लालीगुरांश (सिर्जना भण्डारी)
म अधूरो झिसमिसे साँझ थिएं
तिमी पूरा रात बनेर आयौ
म अधूरो अदृश्य सपना थिएं
तिमी दृश्य कल्पना भएर आयौ
तिमीमा डुब्नुनै एक लक्ष्य मेरो ।
म मधूरो झूठो छायाँ थिएं
तिमी प्रगाढ काया बनेर आयौ
म बाटोमा हराएको यात्री थिएं
तिमी मेरो गन्तव्य बनेर आयौ
तिमीलाई भेट्नुनै एक लक्ष्य मेरो।
म चुडिएको तारको राग थिएं
तिमी पूरा संगीत बनेर आयौ
म सुकेको बर्खे नदी थिएं
तिमी गहिरो समुद्र बनेर आयौ
तिमीमा पुग्नुनै एक लक्ष्य मेरो।
म शिशिरको उजाड पतझड थिएं
तिमी वसन्तको हरियाली बनेर आयौ
म ओइलाएर झरेको फूल थिएं
तिमी फक्रिएको गुलाव बनेर आयौ
तिमीमा फूल्नुनै एक लक्ष्य मेरो।
तिमी जगमग ज्योति भएर आयौ
म पिंजडामा फंसेको पंक्षी थिएं
तिमी खुल्ला आकाश बनेर आयौ
तिमीसंग उड्नुनै एक लक्ष्य मेरो।
No comments:
Post a Comment