तिम्रो प्रेमको मिठास

                      लालीगुरांश  (सिर्जना भण्डारी) 

शव्दमा नसमेटिने भावमा नअटाउने

तिम्रो प्रेमको अमृतधाराको वहाव

अविरल गंगा बनेर बगिरहेछ ।

नजरले हेरिरहने, हाउभाउले छरिरहने

तिम्रो प्रेमको शितलताको सुवास

सुस्तरी स्पर्श गर्दै फैलिरहेछ ।

हृदयले सम्झिरहने, भावले छोइरहने

तिम्रो प्रेमको चाहतको सुर्योदय

आत्मासम्म प्रकाश छर्दै झिलमिलाईरहेछ ।

आँखाले खोजिरहने, मनले रोजिरहने

तिम्रो प्रेमको कल्पनाको जुनेली

अंगअंगमा रस्मि भर्दै चम्किरहेछ ।

वाणीले बोलिरहने, आँशुले पोखिरहने

तिम्रो प्रेमको पोखाइको मिठास

हृदयभरि अमृत बनेर वर्षिरहेछ ।

यादले सताइरहने, इशाराले सुम्सुम्याइरहने

तिम्रो प्रेमको मूलको वर्षात

आँखाबाट छचल्केर तनमन रुझाइरहेछ ।

तिम्रो प्रेमको मूलको वर्षात

आँखाबाट छचल्केर तनमन रुझाइरहेछ ।