💗💖तिम्रा अश्रुहरुमा वियोगमा चर्केको हृदय टाँसिरहुँ

                            लालीगुरांश  (सिर्जना भण्डारी) 

तिमी हरखुशीमा खिलखिलाएर हाँसिराख

तिम्रो मिठो हाँसोमा, म

तिम्रैलागि धाराप्रवाह कविता कोरिरहुँ।

तिमी प्रकृतिसंग रमाउँदै नाचिराख

तिम्रो सुन्दर चालमा, म

तिम्रैलागि निरन्तर स्वराग गुनगुनाइरहुँ।

तिमी सबैलाई दिव्यप्रेम बाँडीराख

तिम्रो इश्वरीय सेवामा, म

तिमीमै मेरो परमात्मा देखिरहुँ।

तिमी आफ्ना रचनाहरु छरिराख

तिम्रा स्वपनिल कुंदाइहरुमा, म

आफूलाई त्यसभित्रै सजिएको पाइरहुँ।

तिमी हरस्पन्दनमा प्रेमरस घोलिराख

तिम्रा रंगीन तृष्णाहरुमा, म

तिमीलाई पाउन पलपल तडपिरहुँ।

तिमी हरवचनमा अमृत वर्षाइराख

तिम्रा हृदयस्पर्सी वाणिहरुमा, म

आफ्नो दवेको आवाज सुनिरहुँ।

तिमी हरस्मृतिमा मोतिदाना खसालिराख

तिम्रो हृदयस्पर्सी अश्रुहरुमा, म

वियोगमा चर्केको हृदय टाँसिरहुँ।

तिमी हरस्मृतिमा मोतिदाना खसालिराख

तिम्रा हृदयस्पर्सी अश्रुहरुमा, म

वियोगमा चर्केको हृदय टाँसिरहुँ।।