लालीगुरांश (सिर्जना भण्डारी)
तिमी दृश्यभएर ओझल भएपछि
म घण्टौंसम्म आनन्दमा मुस्कुराउँदै
तिम्रा हरेक मनमोहक स्मृतिहरुसंग
मौनमै मिठा-मिठा यादहरु साटीरहन्छु।
तिम्रा नयनका सांकेतिक झप्काइहरुका
संकेतका अर्थहरुमा गहिराई खोज्दै
तिम्रा हरेक इशाराका सूचनाहरुसंग
इशरामै भाव साटासाट गरिरहन्छु।
तिम्रो मुखारविन्दबाट प्रष्फुटीत वाणीहरुका
मृदुभाषि अमृतमय मिठासहरुमा हराउदै
तिम्रो शुरीलो ध्वनीको पदचापसंग
चुपचाप प्रेमपूर्ण वार्तालाप गरिरहन्छु ।
तिम्रो तनवदनका चन्चल अंगहरुका
गतिविधिहरु, नृत्यको रसरंगमा रमाउँदै
तिम्रो लोभलाग्दो मयूरी चालढालसंग
नाच्दै-गाउँदै तिमीसंगै समय विताइरहन्छु।
तिम्रो अधरका प्रकाशमय चमकहरुका
किरणहरुमा तिमीसंगै प्रकाशित हुदै
तिम्रो आभाको चम्किलो ज्योतिपुञ्जसंग
विस्तारै डुब्दै त्यसभित्रै हराइरहन्छु ।
तिम्रो आभाको चम्किलो ज्योतिपुञ्जसंग
विस्तारै डुब्दै त्यसभित्रै हराइरहन्छु ।
