बुझेकोछु तिम्रा ब्यग्र पर्खाइहरु

              लालीगुरांश  (सिर्जना भण्डारी) 

तिम्रा कोमल कमलपत्र ओठहरु

मौनतामा चुपचाप अवश्य छन्

तर चाहनाले भिजिरहेका छन्

अनन्त भावहरु पोखिरहेका छन्

बुझ्छु तिनका अन्तरंग भावहरु

तिनमा लुकेका ब्यग्र प्यासहरु

देख्छु पवित्र प्रेमका छालहरु

अनुभूतिमा आइरहेकाछन् तिनका रुचिहरु

अदृश्य बहीरहेका मृगतृष्णाका तरंगहरु

ओठमा ओठ स्पर्सका आकांक्षाहरु

प्रेम पोखिरहेका हृदयका स्पन्दनहरु

इसारा गरिरहेका आँखाका भाकाहरु

बिछोडको रोदनमा भिजेका परेलीहरु

मिलनको पर्खाइमा ओछिएका दृष्टिहरु

हृदय स्पर्सी संगीतका सुरहरु

प्रशंशामा उनीएका ओजपूर्ण वाणीहरु

प्रभावमा पस्किएका अमृतपूर्ण व्यवहारहरु

शुन्यतामा उडीरहेका अन्त्यहीन कल्पनाहरु

मनको प्रकाशमा झिलमिलाइरहेका सपनाहरु

हृदयबाट बहिरहेका प्रेमरसका तरंगहरु

मौनताको संकेतमा बोलिरहेका अधरहरु

दुईआत्माको दिव्य मिलनका आशहरु

दुईबाट एकहुने तिब्र चाहनाहरु

चन्चल भइ सलबलाइरहेका अंगहरु

स्वागत गरिरहेका मन्द मुस्कानहरु 

बुझेकोछु तिम्रा ब्यग्र पर्खाइहरु

मैले,

बुझेकोछु तिम्रा ब्यग्र पर्खाइहरु ।