रात्रीको समय, चकमन्न सन्नाटा
म शयन कक्षमा शयनकालागि
आवश्यक तारतम्य मिलाउँदै थिएं
झ्यालबाट चन्द्रमाको चांदनीले चिहाइरह्यो
हर प्रकाशमा तिमीलाई खोजीरहें
हृदय फुकाएर तिमीलाई कुरीरहें
प्रतिक्षा व्यग्र थियो, तर
तिमी आएनौ, आउँदै आएनौ।
शिरशिर बतासको शितलता बहिरह्यो
हर लहरमा तिमीलाई खोजीरहें
हृदय फुकाएर तिमीलाई कुरीरहें
प्रतिक्षा व्यग्र थियो, तर
तिमी आएनौ, आउँदै आएनौ।
लहरिदै पुष्प-लताहरुले सुवास छरिरहे
हर सुवासमा तिमीलाई खोजीरहें
हृदय फुकाएर तिमीलाई कुरीरहें
प्रतिक्षा व्यग्र थियो, तर
तिमी आएनौ, आउँदै आएनौ।
सुर-संगीत छर्दै वर्षात वर्षिरह्यो
हर धूनमा तिमीलाई खोजीरहें
हृदय फुकाएर तिमीलाई कुरीरहें
प्रतिक्षा व्यग्र थियो, तर
तिमी आएनौ, आउँदै आएनौ।
रात्रीको सन्नाटामा निद्राले डाकीरह्यो
हर उँघाइमा तिमीलाई खोजीरहें
हृदय फुकाएर तिमीलाई कुरीरहें
प्रतिक्षा व्यग्र थियो, तर
तिमी आएनौ, आउँदै आएनौ।
तिमी आएनौ, आउँदै आएनौ।
तिमी आउँदै आएनौ।
No comments:
Post a Comment