आँशु

                 लालीगुरांश  (सिर्जना भण्डारी)

आँशु त निरन्तर बगिरहेका छन्

आपसमा नसाटिएका मात्र हुन्।

हाँसो त निरन्तर फूटिरहेका छन्

आपसमा नबाँडिएका मात्र हुन्।

हृदयले त निरन्तर पुकारीरहेको छ

एकै ठाउँ जुट्न नसकेको मात्र हो।

प्रेमले त निरन्तर उचाई लिरहेको छ

सही ढंगले ननापिएको मात्र हो।

चाहतले त निरन्तर गहिराई लिरहेको छ

सही ढंगले नडुबिएको मात्र हो।

मन त आतुर छ नि आफैंलाई भेट्न

भरपर्दो उपाय नभेटिएकोले मात्र हो।

उडेरै जाउँ कि जस्तो पनि लाग्छ नि

उड्ने पखेटा काटिएकोले मात्र हो।

आँशु पिएर बस्ने इच्छा त थिएन नि

सबै बाटाहरु थुनिएका भएर मात्र हो।