लालीगुरांश (सिर्जना भण्डारी)
टाढा हुँदा पनि साथै रहेको
आभास भइरहने
तिम्रो कहिल्यै नछुट्ने दिव्य
छायाँ छ म संग।
मिलौंको दुरीमा पनि संधै
साथसाथ रहिरहने
तिम्रो गहिरो र मिठो अलौकिक
मायाँ छ म संग।
ओझल हुँदा पनि संधैं झझल्कोमा
आइरहने
तिम्रो अटुट र दिगो प्रेमल
स्मरण छ म संग।
ठाक-ठुक पर्दा पनि संधै नै
आकर्षित गरिरहने
तिम्रो प्रेमको शक्तिशाली
चुम्बक छ म संग।
प्रत्यक्ष अनुभूति नबाँडे पनि
आनन्द आइरहने
तिम्रो प्रेमको अथाह र गहिरो
सागर छ म संग।
आमने-सामने नभए पनि हरपल आँखा
भिजाइरहने
तिम्रो आगमनका अदभूत क्षणहरु
छन् म संग।
प्रत्यक्ष स्पर्स नभए पनि
हरक्षण हृदय धड्काइरहने
तिम्रो अंकमालको त्यो अलौकिक
याद छ म संग।
प्रत्यक्ष स्पर्स नभए पनि
हरक्षण हृदय धड्काइरहने
तिम्रो अंकमालको त्यो अलौकिक
याद छ म संग।।
No comments:
Post a Comment