लालीगुरांश (सिर्जना भण्डारी)
देखिरहेकोछु तिम्रा हाउभाउबाट
तिम्रा चाहना, आकांक्षाहरु !
बुझिरहेकोछु तिम्रा नयनबाट
तिम्रा लक्षण, संकेतहरु !
हेरीरहेकोछु अत्यन्तै निकटबाट
तिम्रा बेचैनी, छटपटीहरु !
महसुस गरिरहेकोछु मनबाट
तिम्रा विचार, भावनाहरु !
अनुभूति गरिरहेकोछु हृदयबाट
तिम्रा प्रेम पस्काइहरु !
तृप्त भइरहेकोछु आत्माबाट
पिउदै अमृतसरी भक्तिरसहरु !
समेटीहेकोछु मैले तन-मन-भावबाट
तिम्रा सबै मूल्यहरु !
आँशु, हाँसो साट्न
नचाहेको होइन मैलेपनि
समय अनुकुल भएन
भयभित हुनपरेकोछ परिस्थितिबाट !
तिमीलाई सहज होस्
यत्तिमात्र चाहना मेरो
धैर्यता साध्ने सन्देश
आएकोछ आफ्नै हृदयबाट !
समयनै परमात्मा हो
सृष्टि उसैको हो
उसलेनै मिलाउनेछ सबै
आस्था जागेकोछ मनबाट !
हाम्रो कर्तव्य सर्वकल्याण
उसको दायित्व आर्शिवाद
उसप्रतिको अटुट विश्वास
भरिएकोछ हृदयमा प्राणबाट !
हामी उर्जा हौं
उर्जामै स्थित छौं
प्रारब्धमा लेखिएको जेछ
त्यही मार्गमा हिड्नुछ !
सबै राम्रोकालागि हुन्छ
गर्ने उसलेनै हो
भरोसा जागेकोछ प्रभुप्रति
तन-मन, हृदय, प्राणबाट !
भरोसा जागेकोछ प्रभुप्रति
तन-मन, हृदय, प्राणबाट !!
No comments:
Post a Comment