हरपल पलपल

                         लालीगुरांश  (सिर्जना भण्डारी) 

तिमीसंग भेटेदेखि, तिमीलाई पाएदेखि

म त एक्लै-एक्लै मुस्कुराइरहेछु

तिमीलाई नै सम्झेर, हरपल पलपल

तिम्रै गीत गाइरहेछु, म त तिम्रै गीत गुनगुनाइरहन्छु।

 

तिम्रो मिठो मुस्कान भित्र आफूलाई राखिदिएं

तिम्रो सुमधूर साथसंग आफूलाई बाँधिदिएं

तिमीलाई देखेर, हरपल पलपल

तिम्रै यादमा रमाइरहेछु, म त तिम्रै यादमा हराइरहन्छु।

 

तिम्रो गहिरो प्रेम भित्र दिव्य संसार पाएं मैले

तिम्रो गहिरो चाहत भित्र आफैंलाई हराइदिएं

तिमीलाई सोचेर, हरपल पलपल

तिम्रै रंगमा रंगीरहेछु, म त तिम्रै रंगमा रंगीरहन्छु।

 

तिम्रो आँखाको हेराईमा आकर्षणको आभा पाएं मैले

तिम्रो आँखाको गहिरो सागरमा आफूलाई डुबाइदिएं

तिमीलाई भेटेर, हरपल पलपल

तिमी भित्रै बिलाइरहेछु, म त तिमी भित्रै बिलाइरहन्छु।