किनकी, तिमी भित्रै हामी दुबैलाई देख्न थालेकी छु म

                लालीगुरांश  (सिर्जना भण्डारी) 

हे मेरो हृदयको राजा

जव तिमीलाई मैले मेरा यि आँखामा सजाएं

आफ्नै आँखामा डुबिरहन थालेकी छु म

तिमी यि आँखामा यसरी बसेका छौ

ऐनामा पनि तिमी नै तिमी मात्र देख्न थालेकी छु म

तिम्रो यादका मिठास यसरी सजिएका छन् यि आँखामा

अव, मेरा हर सवालको जवाफ

यिनै आँखामा पाउन थालेकी छु म

मेरो मन-मस्तिष्क र हृदयमा तिमी यसरी छाएका छौ

जता हेर्यौ त्यतै तिमी नै तिमी मात्र देख्न थालेकी छु म ।

त्यसैले, हे मेरो हृदयको राजा

तिम्रो स्वांसको गहिराइमा मलाई बसाएर राख

तिम्रो आत्मा भित्रै समेटीन चाहान्छु म

तिम्रो हृदयको कुनामा मलाई सजाएर राख

त्यहाँ आफ्नो शिर राखि तिमीसंग

थोरै आँशु र धेरै हाँसो बाँड्न चाहान्छु म

तिम्रो स्मृत्तिको गहिराइमा मलाई लुकाएर राख

त्यहिं भित्र दिव्य मिलनको अनुभव गर्न चाहान्छु म

किनकी अव,

भरोसा; विश्वास; प्रार्थना; आर्शिवाद

यि सबैको सार तिमीमै देख्न थालेकी छु म

अनि, प्रेमी; प्रियतम; माायाँलु; जीन्दगी

यि सबैको एकरुप तिमीमै पाउन थालेकी छु म ।

जीवनमा तिमी जस्तो आत्मिय जोडी पाएर

स्वर्गीय आनन्दमा रमीरहन थालेकी छु म

तिमीलाई हेरेर र सुनेर जव दिनको शुरुआत हुन्छ

सारा दुनिया प्रेमल र सुन्दर देख्न थालेकी छु म

त्यसैले, हे मेरो हृदयको राजा

तिमी आफ्नो ख्याल राम्ररी राख है

किनकी, तिमी भित्रै हामी दुबैलाई देख्न थालेकी छु म ।।

किनकी, तिमी भित्रै हामी दुबैलाई देख्न थालेकी छु म ।।