लालीगुरांश (सिर्जना भण्डारी)
तिमी प्रेमको अमृत वर्षाइराख
म प्रेमको झरनामा रुझिरहुँ !
तिमी प्रेमको प्यासले तिर्खाइराख
म प्रितको प्याला बनिरहुँ !
तिमी जन्मजन्म मलाई रोजिराख
म पलपल तिमीलाई खोजिरहुँ !
तिमी मेरो तनमनमा सलबलाइराख
म हरक्षण तिमीलाई पाइरहुँ !
तिमी चाहनाको प्रकाश छरिराख
म तिम्रो हृदयमा रमिरहुँ !
तिमी न्यानो अंगालोमा कसिराख
म तिम्रो धड्कन सुनिरहुँ !
तिमी मिलनको अपेक्षा गरिराख
म जन्मजन्म तिमीलाई पर्खिरहुँ !
तिमी नजरले इशारा गरिराख
म तिम्रो भावमा चलिरहुँ !
तिमी मधूर मुस्कान छरिराख
म तिम्रो खुशीमा छाइरहुँ !
तिमी प्रकृतिमा मलाई खोजिराख
म सेतो गुलावझैं फूलिरहुँ !
तिमी फूल बनि फक्रिराख
म सुगन्ध बनि फैलिरहुँ !
तिमी भमरा बनि भुनभुनाइराख
म पुष्पमञ्जरी बनि डाकिरहुँ !
तिमी वायू बनि बतासिराख
म चंगा बनि उडिरहुँ !
तिमी सागर बनि सुसाइराख
म छाल बनि खेलिरहुँ !
तिमी प्यारो प्रियतम बनिराख
हामी आत्मिय जोडी रहिरहुँ !
तिमी प्यारो प्रियतम बनिराख
हामी आत्मिय जोडी रहिरहुँ !!
No comments:
Post a Comment