हृदय पुलकित भएको त्यो क्षण💗💖

    लालीगुरांश  (सिर्जना भण्डारी)

मेरो मष्तिस्क हारेको त्यो क्षण

तिमीले हृदय जितेको त्यो क्षण

तिमीले अकम्पमा छोएको त्यो क्षण

तिमीले प्रेम पस्केको त्यो क्षण

तिमी हृदयमा छाएको त्यो क्षण

तिमीलाई मनभरी सजाएको त्यो क्षण

तिमी संगसंगै रमाएको त्यो क्षण

तिम्रो यादैयादमा डुबेको त्यो क्षण

तिम्रो धड्कन सुनेको त्यो क्षण

तिम्रो श्वासमा हराएको त्यो क्षण

तिम्रो मुस्कानसंगै मस्किएको त्यो क्षण

तिम्रो सुगन्धमा लठ्ठिएको त्यो क्षण

तिम्रो अंगालोमा बाँधिएको त्यो क्षण

तिम्रो सुन्दरतामा श्रृंगारीएको त्यो क्षण

तिम्रो आगनमलाई पर्खिएको त्यो क्षण

तिमीसंग आँखा जुधाएको त्यो क्षण

तिम्रो छातिमा बिलाएको त्यो क्षण

जीवनमा आल्हाद आएको त्यो क्षण

जीवनमा बाहार छाएको त्यो क्षण

तिमी र म अनि म र तिमीबाट

हामी र हाम्रो अनि हामीलाई भन्ने

प्रेममा समर्पण आएको त्यो क्षण

सबै ति क्षणहरु अत्यन्तै प्यारो लाग्छ

तिमीसंग बितेका क्षणहरु सम्झिरहुँ लाग्छ

तिमीलाई कहिले सुनौं जस्तो लाग्छ

तिमीलाई कहिले देखौं जस्तो लाग्छ

तिमीलाई कहिले भेटौं जस्तो लाग्छ

तिमीलाई सुनीरहुँ जस्तो लाग्छ

तिमीलाई देखीरहुँ जस्तो लाग्छ

तिमीलाई भेटीरहुँ जस्तो लाग्छ

तिमीलाई प्रेम गरिरहुँ जस्तो लाग्छ!

तिमीलाई प्रेम गरिरहुँ जस्तो लाग्छ!!

 

 

 

तिम्रो आगमनको आल्हाद

                        लालीगुरांश  (सिर्जना भण्डारी) 

तिम्रो आगमनको शितल छायाँ पाएर 

म आल्हादीत अनुभूति गर्न थालेकीछु ।

तिम्रो प्रेम फुलिरहने वसन्त छाएर

म मनोरम हरियाली पाउन थालेकीछु ।

तिम्रो प्रेमल चालचलनहरु नियालेर

म आफैंलाई प्रेम गर्न थालेकीछु ।

तिम्रो प्रेमको मुलायम स्पर्श पाएर

म परिझैं आकाशमा उड्न थालेकीछु ।

तिम्रो चाहतले भरिएका उद्गारहरु सुनेर

म जीवनमा पूर्णता पाउन थालेकीछु ।

तिम्रो हँसिलो ज्योतिमय मुहार हेरेर

म आफूमै आनन्दित हुन थालेकीछु ।

तिम्रो उत्साहप्रद दिव्य बाणीहरु सुनेर

म एक्लै आाफैंसंग वातमार्न थालेकीछु ।

तिम्रो आनन्दले प्रष्फुटीत हाँसो देखेर

म हाँसोमै सांगीतिक धून सुन्न थालेकीछु ।

तिम्रो मधूर मुस्कानका शुरहरु सुनेर

म मुस्कानका शुरहरुमा नाच्न थालेकीछु ।

तिम्रो पहिरन र अद्वितिय सुन्दरता देखेर

म पनि आफूलाई सजाउन थालेकीछु ।

तिम्रो जीवन्त सुन्दर तस्वीरहरु हेरेर

म पनि तस्वीरहरुमा देखिन थालेकीछु ।

तिम्रो प्रेमप्रकटका मिठा भावहरु देखेर

म प्रेमको सागरमा डुबीरहन थालेकीछु ।

तिम्रो म माथि अडिएका नजरहरु हेरेर

म तिमीसंग नजर जुधाउन थालेकीछु ।

तिम्रो अटुट साथको निरन्तरता पाएर

म आफैंले आफूलाई भेट्न थालेकीछु ।

तिम्रो आत्मासंगको भावी मिलन सोचेर

म त्यो क्षणको पर्खाइमा बस्न थालेकीछु ।

तिम्रो आत्मासंगको भावी मिलन सोचेर

म त्यो क्षणको पर्खाइमा बस्न थालेकीछु ।।